filasrocche succisane

Filastrocche su fatti reali 

Marco da Sciapèla i gh’òiva na fiêla cl’era un po’ bela, i l’avròiva spusaru al fiê d’Isapa cl’era gnuròntu cmé na taca.  

Girumìn da la Clumbera l’è gnü sü par piar muiera, l’è passà a cà d’Giacumòin i ghòn datu un fiascu d’vòin. I vròiva zerniru la pù bela i ghòn cargà in spala la Carmela.  

La conta 

Tica barlica la furca l’impica. Ton … bon … spron … tudòscu … tira su quòstu.

 Vanità succisane 

Su da Bratu e Braia a ga sta dal cavagnadèle … Zù da Succisa a ga sta dal fiêle bèle.Su da Bratu e Braia a gh’è di lùmagoti … Zù da Succisa a gh’è di bei zunoti.  

                                                  Sfottimenti fra ragazzi delle varie Frazioni:

 

 

 A quòi da la Cola la gòmba la gha scrola, la ciapa la ghe bata, la merda la gha  scapa.

Quòi da la Vila i caghi in tlà bazila

.Quòi dlà Pulòina i caghi in tla cassòina.

I Pussiunònti is caghi in ti mùdònti.

 

La Befana

" La Befana la vegna d' nota e la porta la ricota, la la mòta sutu la grà, la Befana l'è mé mà" 

Indovinello

Urocia bebè, s'at ciamu t'agnirè. T'passrè pr al sinteru a pr'al furmointu?

 

                                                               Pretese

Pulointa d'granon, acqua d'fossu, lavura te padròn ca mè a'n possu

 

La divisione dei beni

 Fòma la pace da bravi fradei, a té la cagna e a mè i purcei, sa t'è pora ca t'ingana

a me i purcei e a tè la cagna

NINNA-NANNA

 

Sèra, sèra Martin Casèla

 dà da boire a la gunèla

, la gunèla l’è trai pé,

Martin Casèla i’gà camèinà adrè
Sèra, sèra in seradùru

inchè na tavla e dman na duva

e a’n posu pù seràru

che l’è l’ura da marindaru

Marindar queicò ad bon

un bel piatu ad macaron

e an bel fiasco ad vin bon

 L’era là sutu a la bainca

Ch’i parèiva un gal ch’i canta

Canta canta galustròn

T’m’è mangià i mé macaròn

© 2020 Your Company. All Rights Reserved. Designed By JoomShaper

Main Menu